最近行開西環發現開咗間賣 #歐洲進口 貨品既超市 L’Azur，產品種類繁多，產品主要是法國 🇫🇷，而且店鋪都幾寬敞，行個時好舒適唔會有壓迫感！
店內既商品真係應有盡有，由 #法國進口 既獨家口味糖果薯片等零食🍫🍬、各種口味飲品、啤酒🍺、紅白酒🍷、香檳🍾、特色乳酪、甜品、新鮮空運法國製造麵包🥖、冰鮮凍肉、生果蔬菜、煮食材料等都齊備，就連個人護理用品及嬰兒食品都有，個日去行一轉都見到好多外國人去入貨，真係好似去左法國，係當地既超市shopping 咁！
原來法國人係非常重視「#有機」、「#無添加」既產品，所以係 L’Azur都可以搵到好多產品都有 #Bio 字眼、#AB logo 既健康食品及用品！例如店內有好多麵包、薯片、果汁水等都係無添加防腐劑，好適合着重健康飲食人仕 👍👍
其實呢度真係一間 #非一般超市，除咗買日常食品用品外，舖頭入面仲有間Café 同埋佈置到好似法國Café 嘅後花園 ，方便客人買完坐係入面食！
而且Café 會不時推出新Menu，有意粉、沙律、法式麵包可以揀，我就揀左有機蕃茄藜麥意粉🍝，仲order 左隻signature 既燒春雞返屋企加餸，味道唔錯仲好抵買添！
宜家係L’Azur 買嘢仲可以做會員兼儲分，之後可以當現金用返；係舖頭買滿 $500仲可以有免費送貨！我仲入左啲零食同乳酪比麥皮姐姐，又買左沐浴露🧴黎試吓，呢度真係好多野買丫🛒🛒
L'Azur Gourmet 西環店
地址：西環皇后大道西518-520號聯華大廈地下
#LAzur #LAzurGourmet #西環店 #超市 #香港大學站 #法式Cafe
Search